Haradinaj ambasadorit amerikan: SHBA nuk duhet të barazojnë Kosovën me Serbinë
ISh-kryeministri Ramush Haradinaj ka takuar sot ambasadorin amerikan, Philip Kosnett me të cilin thotë se ka diskutuar për vizitën e tij në SHBA dhe takimet atje.

Haradinaj shkruan se i ka shprehur diplomatit qëndrimin se nuk duhet të barazojnë Kosovën me Serbinë si pale duke argumentuar se orientimet e shteteve përkatëse janë të ndryshme nga njëri-tjetri.

Reagimi i plotëq i Haradinajt
Prita në takim Ambasadorin e SHBA-ve Z. Philip Kosnett ku diskutuam për vizitën time ne SHBA dhe takimet atje.

Ambasadorit Kosnett i thash se është i mirëseardhur dhe i nevojshëm aktivizimi i SHBA-ve në dialog. Shtetet e Bashkuara nuk duhet të barazojnë Kosovën me Serbinë si palë sepse orientimet tona në politikë të jashtme kanë kahje të kundërta. Përderisa Kosova stoikisht qëndron prapa SHBA-ve në të gjitha sfidat globale, Serbia vazhdon që të jetë sateliti dhe arma kryesore e Rusisë në Evropë.

I paraqita Ambasadorit Kosnett nevojën për marrëveshjen finale që rezulton në njohje reciproke në kufijtë ekzistues dhe kjo duhet të përmbyllet sa më shpejtë.
Shtuar më 20/02/2020, ora 14:42

Shkruani komentin tuaj!
Të fundit nga kjo kategori