Në qendër të qytetit Des Moines të Iowas, SHBA, sot do të hapet konsullata e Republikës së Kosovës, zyra e parë e huaj diplomatike në historinë e këtij shteti. Gjatë hapjes së kësaj konsullate do të jetë i pranishëm ministri i Punëve të Jashtme të Republikës së Kosovës, Hashim Thaçi.

Gjithashtu pjesë në këtë event do të jenë dhe senatorja nga shteti i Ioëas, Joni Kay Ernst, gurvernatori i Iowas, Terry Edward Branstad, prefekti i Des Moines, Thomas Michael Franklin Cownie dhe Drejtori i Zyrës për Çështje të Evropës Jugore dhe Qendrore, Thomas K. Yazdgerdi.

Vlen të theksohet interesimi i lartë për pjesëmarrje në këtë ceremoni, ku pritet të jenë të pranishëm mbi njëqind personalitete nga komuniteti i biznesit dhe sektorë të tjerë të rëndësishëm.

Kjo zyrë, përmes shumëllojshmërisë së shërbimeve që pritet të ofrojë, do të kontribuojë në zgjerimin e bashkëpunimit mes Kosovës dhe Ioëas, duke ofruar mundësi për partneritete më të ngushta, por edhe në promovimin e tyre në ekonomi dhe në turizëm.

Gjithashtu, Kosova dhe Iowa kanë lidhje të ngushta civile dhe ushtarake që datojnë nga viti 2011, kur Garda Nacionale e Ioëas lidhi bashkëpunim me Forcën e Sigurisë së Kosovës, ndërsa një marrëveshje e partneritetit të ndërsjellë, ajo e binjakëzimit mes Republikës së Kosovës dhe shtetit të Ioëas, u nënshkrua mes guvernatorit të Ioëas dhe Presidentes së Kosovës më 2013. /albeu.com/