Sami Hamitit i hiqet arresti shtëpiak ndërsa dy biznesmenëve e tjerë, Agim Ademi dhe Muharrem Rama të arrestuar bashkë më të, janë liruar nga paraburgimi.

Këtë e ka konfirmuar për gazetën Express avokati i Sami Hamitit, Tom Gashi. Sami Hamiti ishte arrestuar më 12 shtator në zyrën e tij, si i dyshuar për zhvatje dhe korrupsion. Një ditë pas arrestimit iu shqiptuan tridhjetë ditë paraburgim nga Gjykata e Qarkut në Prishtinë.

Kryesuesi i Kuvendit të Prishtinës, Sami Hamiti dhe biznesmenët Agim Ademi dhe Muharrem Rama janë ngarkuar nga prokurori i EULEX-it, Pascal Persoons me vepra të dënueshme nga një deri në nëntë vjet burgim. /albeu.com/