Grubjeshiç: BE s'e ndërron formulimin për integritetin e Kosovës
"Nuk është e mundur që Bashkimi Evropian ta ndryshojë formulimin mbi integritetin territorial të Kosovës në strategjinë për zgjerim", ka thënë nënkryetarja e Qeverisë së Serbisë, Suzana Grubjeshiç.

"Komisioneri për Zgjerim i BE-së, Stefan Fule ka thënë se Komisioni nuk do të ndryshojë formulimin, por, pasi që është hedhur në momentin e fundit, frikësohem se komisioni as që është pyetur", ka thënë ajo për gazetën serbe, "Blic".

Komentet e saj vijnë pasi që presidenti i Serbisë, Tomisllav Nikolliq ka thënë se do të kërkojë nga BE-ja, që ta ndryshojë këtë formulim, që sipas tij, është i papranueshëm për Serbinë.Ndërkohë, e pyetur se kush ka ndikuar që të futet termi integritetet territorial, Grubjeshiq ka thënë se kjo është kërkuar nga "një nga vendet anëtare" të BE-së. /albeu.com/
Shtuar më 14/10/2012, ora 15:59

Shkruani komentin tuaj!
Të fundit nga kjo kategori