Gruaja e militantit të AAK-së futet me parregullësi në punë, ky është shteti i Haradinajt
Vjollcë Vishaj është bërë me punë të re. Ajo është zgjedhur Zyrtare për Informim dhe Monitorim të Mediave në Ministrinë e Infrastrukturës, të cilën e drejton zyrtari i AAK-së, Pal Lekaj.

Vishaj është bashkëshorte Binak Vishajt, përfaqësues i Aleancës për Ardhmërinë e Kosovës në Komisionin Qendror të Zgjedhjeve.

Përkundër se në njoftimin e Ministrisë, Vishaj renditet si kandidatja me më së shumti pikë, në kushte mirëbesimi nga persona të afërt me kandidatët, Periskopi ka kuptuar se në punësimin e saj ka pasur parregullsi.

Sipas këtyre burimeve, kandidatja e AAK-së nuk ishte më e përgatitura për këtë pozitë punë, mirëpo insistimi i bashkëshortit të saj në parti, ka bërë që ajo ta fitoj vendin e punës.

Në fotografitë e publikuara në Facebook, shihet se bashkëshorti i Vjollcës, Binaki, është jashtëzakonisht i afërt me krerët më të lartë të AAK-së, përfshirë këtu Daut Haradinajn e Ramush Haradinajn.

Punësimi i militantëve partiakë është bërë fenomen shqetësues nëpër institucionet publike, të cilat tashmë janë mbipopulluar me punëtorë të pakualifikuar dhe të panevojshëm./periskopi

Disa herë është raportuar edhe për Nismën për Kosovën, e cila nëpër ministritë që i kontrollon ka punësuar dhjetëra militantë të partisë.
Shtuar më 03/10/2018, ora 11:49

Shkruani komentin tuaj!
Të fundit nga kjo kategori