Prokuroria Themelore në Gjakovë ka bërë kërkesë për caktimin e paraburgimit, në Gjykatën Themelore në Gjakovë, kundër katër të pandehurve, G.V., S.P., J.P., B.N., me dyshimin se në bashkëkryerje, kanë kryer veprën penale “grabitje”.

Sipas prokurorisë, më 14 maj të këtij viti, rreth orës 19:30, në Gjakovë, pikërisht në rrugën “Washingtoni”, katër të pandehurit, të përgatitur më herët për këtë lloj grabitje, e kanë pritur të dëmtuarin Rr. K., i cili kishte ardhur nga Prishtina për t’u takuar me të njëjtit ,me qëllim të blerjes së narkotikëve.

“Të pandehurit në fjalë e kishin ftuar të shkonte te vetura e tyre, dhe pasi e kanë shëtitur në drejtim të “shkugëzës”, me armë zjarri e kanë kërcënuar duke ia marrë 2.500 euro. Të pandehurit G.V, S.P., J.P., dhe B.N., me urdhër të Prokurorit të shtetit janë në mbajtje nga data 15.05.2019, dhe i njëjti ka bërë kërkesë për caktimin e masës së paraburgimit në afat prej 30 ditësh”, thuhet në komunikatë.