Grabitja e bankës në Prishtinë, policia zbardh detaje të reja
Ditën e sotme rreth orës 15:10, tre persona të maskuar dhe të armatosur kanë plaçkitur një shumë të madhe parash në filialin e “ TEB bank” e cila ndodhet në rrugën “Enver Maloku” në Prishtinë.

Policia e Kosovës pas marrjes së këtij informacioni kanë filluar ndërmarrjen e një vargu veprimesh operative dhe hetimore, për të zbardhur të gjitha rrethanat që kanë të bëjnë me rastin.

dyshuarit pasi kanë grabitur një shumë të konsiderueshme parash,janë larguar më një automjet “Audi” nga vendi i ngjarjes.
Njoftimi i plotë i policisë:

Sot në ora 15:10, policia ka marrë informatën për një grabitje të armatosur. Grabitja ka ndodhur në filialin e një banke e cila gjendet në rrugën “Enver Maloku” në Prishtinë.

Menjëherë pas marrjes së këtij informacioni policia me një intensitet të shtuar kanë filluar ndërmarrjen e një varg veprimesh operative dhe hetimore, për të ndriçuar dhe sqaruar të gjitha rrethanat që kanë të bëjnë me rastin.

Mbështetur në informatat e para të grupit hetimor që po zhvillon hetimet, dyshohet se kjo grabitje është realizuar nga tre persona të dyshuar, të cilët kanë qenë të maskuar dhe të armatosur. Nga gjithë kjo ngjarje nuk ka pasur persona të lënduar .Të dyshuarit pasi kanë grabitur një shumë të konsiderueshme parash, me një veturë të dyshuar, janë larguar nga vendi i ngjarjes.

Për të konfirmuar shumën e parave të grabitura policia është duke punuar ngushtë me zyrtarë të bankës.

Aktualisht policia po punon me përkushtim për të identifikuar të dyshuarit e mundshëm.

Deri tani policia ka arrit të gjejë, veturën e tipit Audi, me të cilën janë larguar të dyshuarit, e cila do të konfiskohet për ekzaminim.

Drejtoria rajonale e policisë – Prishtinë ka në fokusin e përditshëm të punës së saj luftën kundër krimit , kapjen dhe arrestimin e të dyshuarve të akteve kriminale si dhe garantimin e rendit, sigurisë dhe qetësisë publike , andaj ftojmë të gjithë qytetarët të cilët kanë informacione lidhur me rastet kriminale e veçanërisht për rastin e sipërshënuar të mbështesin policinë me informacionet e tyre për hetimin dhe zbulimin e akteve të tilla. /albeu.com/
Shtuar më 15/03/2017, ora 17:45

Shkruani komentin tuaj!
Të fundit nga kjo kategori