Gjykimi për krime lufte ndaj Limajt drejt fundit
Në Gjykatën Themelore të Gjakovës është paraparë që sot të mbahet seanca e fundit në gjykimin për krime lufte ndaj zëvendëskryeministrit Fatmir Limaj.

Prokurorja e Rastit Drita Hajdari do ftohet për të dhënë pretendimet përfundimtare të akuzës, ndërsa menjëherë pas saj fjala do jetë për mbrojtjen e zëvendëskryeministrit Fatmir Limaj.

Gjykimit i kanë paraprirë dëshmitë e shumë dëshmitarëve, përfshirë ato të ish-anëtarëve të shtabit të UÇK-së si Azem Syla, Rexhep Selimi, Jakup Krasniqi dhe të tjerë.

Aktakuza ndaj Limajt pretendon se ai ka përgjegjësi në incidentin e verës së vitit 1998, ku ishte vrarë Selman Binishi dhe Ramiz Hoxha në Fshatin Bellanicë të Malishevës.
Shtuar më 06/03/2018, ora 09:08

Shkruani komentin tuaj!
Të fundit nga kjo kategori