Gjykata zviceriane jep dënimin për shqiptarët që vranë brazilianin
Me thika dhe sende të tjera metalike tre persona sulmuan një grup brazilianësh përpara nëntë vjetësh duke shkaktuar edhe vdekjen e njërit nga brazilianët.

Tre agresorët nga Ballkani kanë dalë përpara gjykatës zvicerane, një, shqiptar nga Maqedonia është dënuar me tetë vite e tre muaj burg, shkruan “zentralplus.ch”.

Kur ndodhi ngjarja?

Në 8 gusht 2009 në Hochdorf pritej të ishte një natë e bukur verore – ishte “Bar Festivali”, megjithatë përfundoi me përleshje të dhunshme. Nga një përleshje mes brazilianëve dhe një grupi ballkanik, 25 vjeçari nga Kosova mori plagë në buzë. Si duhej të reagojë ai?

Cili tentoi të vrasë brazilianin?

Kur grupi brazilian nisi të shkojë drejt shtëpisë, ata u ndalën nga tre burra me thika, sprej dhe sende tjera metalike. Njëri nga ta goditi me thikë brazilianin 9 cm në thellësi të trupit të sipërm, duke i sjellë gjakderdhje të madhe prej në vendngjarje.

Pas nëntë vjetësh hetime dy shqiptarë nga Kosova (26 dhe 31) dhe një 36 vjeçar nga Maqedonia kanë dalë përpara Gjykatës Kriminale. Si i dyshuar kryesor për goditje me thikë 36 vjeçari nga Maqedonia është paditur për “vrasje”, ndërsa dy personat nga Kosova janë paditur për ndihmë në akte kriminale. Edhe brazilianët e mbijetuar dëshmojnë se agresori kryesor ishte shtetasi i Maqedonisë.

Dënimet për treshen e akuzuar

Shtetasi i Maqedonisë akuzohet për shkelje tjera ligjore si dhunë dhe shpërdorim të ndihmës sociale dhe dhunë në familje. Në lidhje me ngjarjen kundër brazilianëve ai thekson se kishte përdorur vetëm grushtat, por ishte detyruar nën kërcënim për të mos treguar realitetin. Së fundi ai merr trajtim psikiatrik për shkak të vuajtjes nga frika, ndërsa familja e tij mbijeton falë ndihmave sociale.

36 vjeçari nga Maqedonia u dënua për të gjithë akuzat me 8 vjet e tre muaj burg, i akuzuari i dytë nga Kosova u dënuar me 3 vjet e gjashtë muaj burg (prej të cilëve i ka kryer 89 ditë) dhe gjobë prej 11 mijë frangash. Pjesëmarrësi i tretë nga Kosova, që u arrestua në Kosovë është dënuar me dy vjet dhe gjashtë muaj burg (25 ditë vetëm i ka kryer). Të tre personat duhet të paguajnë edhe shpenzimet gjyqësore prej gjithësej 130 mijë euro.

Vendimi nuk është i plotëfuqishëm, të tre personat kanë paraqitur ankesë. Kështu që me çështjet duhet të merret Gjykata Kantoniale.


Shtuar më 02/05/2018, ora 07:50
Shkruani komentin tuaj!
Të fundit nga kjo kategori