Gjykata e Hagës refuzon apelin për 'kasapin' Karaxhiç
Gjykata për Krime e Kombeve të Bashkuara në Hagë ka refuzuar apelin e fundit të ish-liderit të serbëve të Bosnjës, Radovan Karaxhiç, duke thënë vendimi i këtij trupi ka qenë përfundimtar.

Gjyqtarët e Tribunalit kanë thënë më 3 Prill se “Karaxhiç nuk ka asnjë bazë ligjore për të apeluar vendimin”, i cili e ka ndëshkuar atë me burgim të përjetshëm për masakrën në Srebrenicë dhe mizoritë tjera gjatë luftës në Bosnjë.

Në Srebrenicë janë vrarë më shumë se 8,000 burra dhe djemë myslimanë nga forcat serbe të Bonjës, për të shënuar mizorinë më keqe në Evropë prej Luftës së Dytë Botërore.

Më 20 Mars gjykata i rriti Karaxhiçit dënimin, pasi fillimisht ishte dënuar me 40 vjet burgim. Më shumë se 100,000 persona janë vrarë dhe rreth 2.2 milionë të tjerë janë detyruar të largohen nga shtëpitë e tyre gjatë Luftës në Bosnjë në periudhën 1992-1995. /REL
Shtuar më 04/04/2019, ora 09:01
Shkruani komentin tuaj!
Të fundit nga kjo kategori