Gjukanoviq: Dialogu Kosovë-Serbi ka shpresë
Pas takimit në Bruksel me sekretarin e Përgjithshëm të NATO-s, Jens Stoltenberg, presidenti malazez Milo Gjukanoviq u shpreh mes të tjerash optimist edhe për marrëdhëniet mes Prishtinës dhe Beogradit, shkruan Albeu.com

Për Gjukanoviqin, përvoja e zgjidhjes së çështjes së hapur në mes të Greqisë dhe Maqedonisë Veriore mund të jetë e çmuar edhe për ngërçe të tjera në rajon."E kam fjalën për marrëdhëniet mes Prishtinës dhe Beogradit", theksoi lideri malazez.

"Si fqinj të përgjegjshëm e të interesuar, ne punojmë në gjetjen e një epilogu pozitiv të këtij dialogu", ka thënë ai. "Besoj se është e mundur dhe e ftoj NATO-n që me angazhimin e vet në këtë rajon, së bashku me BE-në, të kontribuojë në atë që është opsioni i vetëm i Ballkanit Perëndimor", ka shtuar Gjukanoviq. /albeu.com/
Shtuar më 06/03/2019, ora 17:50

Shkruani komentin tuaj!
Të fundit nga kjo kategori