Gjermani, kosovari arrestohet për trafikimin e katër njerëzve
Policia gjermane përmes një kontrolli të zhvilluar në austostradën A8 në vendin e quajtur Odelzhausen ka penguar trafikim të mundshëm me njerëz.

Autoritetet kanë gjetur në një makinë dy burra dhe dy gra të moshave 22-24 vjeç të cilët kishin me vete vetëm letërnjoftime të Republikës së Kosovës, mirëpo jo pasaporta apo leje qëndrimi. Sipas policisë, bëhej fjalë për qëndrim ilegal në shtetin gjerman, raporton Koha.net.

Shoferi kishte shtetësi gjermane. Bëhet fjalë për një 33-vjeçar shqiptar nga Kosova me banim në Pforzheim.

Pasagjerët sapo kishin ardhur në Gjermani dhe ata kanë kërkuar azil e janë dërguar në qendrën e azilit në Munchen. Kundër shoferit është ngritur aktakuzë për trafikim me qenie njerëzore./albeu.com/

Shtuar më 23/12/2014, ora 09:22

Shkruani komentin tuaj!
Të fundit nga kjo kategori