Selia e Lëvizjes Vetëvendosje u vizitua këtë të shtunë nga Gjenerali Klaus Reinhardt i cili në vitin 2000 ishte komandant i KFOR-it në Kosovë. Ai po qëndron në Prishtinë me rastin e konferencës "15 vjet të ndërtimit të paqes në Kosovë - Mësimet e mësuara për rajonin" dhe erdhi i shoqëruar nga Koordinatorja për Programe e zyrës së Fondacionit socialdemokrat gjerman “Friedrich Ebert Stiftung”, znj.Besa Luzha.

Kryetari Albin Kurti dhe Rexhep Selimi falenderuan Gjeneralin Reinhardt për rolin dhe kontributin e tij në Kosovën e pasluftës. Në këtë takim u diskutua për sfidat e shtetndërtimit, zhvillimit dhe demokratizimit në Kosovë me theks të posaçëm në çështjen e qytetit të ndarë të Mitrovicës. Dr.Reinhardt dhe z.Selimi po ashtu evokuan kujtimet nga koha kur bashkëpunuan për ndërtimin e Shërbimit Policor të Kosovës dhe ofrimin e sigurisë për qytetarët në përgjithësi.

Gjenerali Reinhardt dhe z.Kurti e z.Selimi shprehën interesimin për vazhdimin e kontakteve dhe takimeve edhe në të ardhmen. /albeu.com/