Asocacioni i Gazetarëve të Kosovës (AGK), i indinjuar me sulmin kundër gazetarit Milot Hasimja, do të protestojë sot në orën 11.00 në sheshin "Zahir Pajaziti" në Prishtinë.

Qëlllimi i protestës është sensibilizimi i qytetarëve lidhur me dhunën ndaj gazetarëve, fenomen ky në rritje kohët e fundit.

AGK u bën thirrje organeve të rendit dhe atyre të drejtësisë, që të ndërmarrin masa me qëllim krijimin e një mjedisi të sigurt për ushtrimin e profesionit të gazetarisë dhe të lirisë së shprehjes./albeu.com/