Komisionari për zgjerim i Bashkimit Evropian, Stefan Fule, ka theksuar se Kosova e ka të njëjtën perspektivë evropiane sikurse dhe vendet e tjera të Ballkanit Perëndimor.


“Kosova e ka të njëjtën perspektivë evropiane, sikur edhe të tjerët në Ballkanin Perëndimor. Prandaj, ekzistojnë kërkesa të njëjtja, përfshirë raportet e mira ndërfqinjësore. Në këtë kuadër nuk shoh asnjë arsye përse vetëm Beogradi, e jo edhe Prishtina, të sheh interesa të rëndësishme për raporte të fqinjësisë së mirë dhe bashkëpunim të mirë rajonal. Numër një - pasi ato vetëm mund të përfitojnë nga ky dialog. Ky nuk është vetëm për lëvizjen e lirë të njerëzve dhe mallrave nëpër kufi. Ka edhe shumë çështje të tjera”, ka deklaruar Fule për radion Evropa e Lirë.
Në bisedimet e mëparshme janë arritur disa marrëveshje, por çështja më problematike ka qenë zbatimi i tyre. /albeu.com/