Fushatë në kohë pandemie, PDK gjobitet me 2 mijë euro
Partitë politike kanë filluar fushatën zgjedhore para kohe.

Anipse 3 shkurti është data zyrtare kur do të duhej të fillonte fushata, thuajse të gjitha partitë veçse po e zhvillojnë atë nga qyteti në qytet.

Në situatë të pandemisë COVID-19, të njëjtit po qëndrojnë afër me shumë qytetarë, madje pa vendosur as edhe maska.

E lidhur me këtë, së fundi Drejtoria për Inspeksion në Prishtinë ka gjobit Partinë Demokratike të Kosovës, me dy mijë euro, transmeton lajmi.net.

Drejtori i Inspeksionit, Adonis Tahiri tha se askush nuk është mbi ligjin, derisa është paralajmëruar se gjobat për takimet që partitë zhvilluan në vikend do të bëhen të ditura sot.

"Zbatimi i masave dhe ruajtja e shëndetit publik, është obligim për të gjithë", tha ai.
Shtuar më 25/01/2021, ora 12:04

Shkruani komentin tuaj!
Të fundit nga kjo kategori