Fronti Popullor për kultivimin e veprimtarisë revolucionare të Enver Hoxhës, të shtunën në Ferizaj, me një marsh përkujtimor ka shënuar 104- vjetorin e lindjes së ish-liderit komunist, Enver Hoxha dhe njëherit ka shpalosur platformën politike të këtij organizmi, që synon shtrirjen organizative gjithandej ku jetojnë shqiptarët.

Kryetari i frontit Remzi Hasani, ka sjellë momente nga jeta dhe vepra e Enver Hoxhës duke thënë se Enveri ishte në ballë të luftës antifashiste nacionalçlirimtare dhe arkitekt kryesor i mobilizimit të shqiptarëve në frontin e madh të punës, përmes të cilit edhe ngriti Shqipërinë e re nga themelet.
"Klithmat antienveriste gjatë këtyre dy dekadave të fundit nuk janë asgjë tjetër përpos një urrejtje e shfrenuar ndaj faktit se në epokën e këtij burri të madh, asnjëherë nuk i ka buzëqeshur fytyra tradhtisë", ka thënë Hasani. /albeu.com/