Fillon gjykimi i autorëve të Masakrës së Qyshkut
Fillon sot gjykimi i nëntë pjesëtarëve të njësisë “Çakallët”, të akuzuar për krime lufte ndaj civilëve në Qyshk të Pejës në vitin 1999. Gjykimi do të mbahet para Dhomës për krime lufte të Gjykatës së Lartë në Beograd.

Pjesëtarët e njësitit “Çakallët”, sipas aktpadisë, kanë vrarë në mënyrën më mizore dhe më shtazarake, jo rrallë duke shtënë mbi viktimat pas shpinës dhe pastaj shumicën e trupave të tyre i kanë djegur që të pengojnë përcaktimin e identitetit të viktimave.

Sipas agjencisë Beta, të akuzuarit që ngarkohen për vrasjen e së paku 43 civilëve më 14 maj 1999 janë Toplic Miladinoviq, Sreçko Popovic, Slavisha Kastratovic, Boban Bogicevic, Zvonimir Cvetkovic, Radoslav Bërnovic, Vidoje Koricanin, Velko Koricanin dhe Abdullah Sokic, të cilët ngarkohen për vrasje, dhunime, plaçkitje, shkatërrim dhe djegie të pasurisë së popullsisë civile, me qëllim plaçkitjeje e përhapje të frikës ndër civilë shqiptarë me qëllim të detyrimit të tyre për t’u dyndur në Shqipëri.

Të akuzuarit ndodhen në paraburgim, ndërsa Prokuroria për krime lufte e Serbisë më 13 mars të këtij viti ka bërë kërkesën për zbatim të hetimeve kundër 26 personave të dyshuar për krime në Qyshk, kështu që ndaj 17 të të dyshuarve që ndodhën në arrati, është lëshuar fletëarrest përmes Interpolit.

Po ashtu lënda e Qyshkut është një pjesë e aksionit gjithëpërfshirës të Prokurorisë për ngjarjet në Kosovë, siç raporton Beta, në të cilat janë vrarë mbi 200 civilë shqiptarë, kurse procedura e plotë penale është rezultat i hetimeve që ka zhvilluar
Shtuar më 20/12/2010, ora 11:50

Shkruani komentin tuaj!
Të fundit nga kjo kategori