Qyteti i Shëngjinit është tronditur ditën e sotme, pasi është ekzekutuar në lokalin e tij “Coral’ në mes pedonale biznesmeni Ardian Nikulaj.
Ardian Nikulaj, u ekzekutua nga një person që ka hyrë me skafandër motori në kokë dhe i veshur me jelek fosforishent dhe e ka qëlluar dy herë me psitoletë dhe është larguar me motor.
Ndërkohë që policia ka rrethuar zonën dhe ka marrë nën administrim kamerat dhe po punon për kapjen e autorëve.
“Rreth orës 13:30, në rrethana ende të paqarta, është vrarë me armë zjarri, në ambientet e lokalit të tij, shtetasi A. N. 50 vjeç, banues në Shëngjin.
Shërbimet e Policisë dhe grupi hetimor kanë shkuar menjëherë në vendngjarje.
Janë ngritur pika kontrolli dhe është rrethuar zona ku vijojnë kontrollet për kapjen e autorit/ve. Grupi hetimor, në drejtimin e Prokurorisë, vijon punën për zbardhjen dhe dokumentin e plotë të ngjarjes”, thuhet në njoftimin e policisë.
Kush është Ardian Nikulaj?
Ardian Nikulaj është një personazh i nohur në zonën e veriut. Ai ka qenë i dënuar dy herë, në vitin 2003 u dënua me katër muaj për armëmbajtje pa leje dhe në vitin 2006-të për falsifikim.
Gjithashtu Nikulaj ka ndërruar mbiemrin në vitin 2015-të, pasi më parë e ka patur Marku.
Ardian Nikulaj ka qenë gjithashtu kandidat për deputet në qarkun e Shkodrës në vitin 2021, nën siglën e Partisë Social Demokrate, të drejtuar nga Tom Doshi.
Ai u akuzua në zgjedhjet e 25 prillit nga ish-kryeministri Sali berisha për blerje votasj.
Ndërkohë Nikluaj ishte kandiat sërish në këto zgjedhje për anëtar të Këshillit Bashkiak.
/AlbEu.com/
