Fatmir Sejdiut ia marrin Facebookun, e denoncon rastin në polici
Pëlqej
Ish-presidentit të Kosovës, Fatmir Sejdiu ia kanë marrë adresën e Facebookut që në muajin maj dhe herë pas here në profilin e tij postohen statuse që nuk bëhen nga Sejdiu.

Për këtë fakt, sot Fatmir Sejdiu ka reaguar.

Në një njoftim për mediat, ai sqaron se nuk e menaxhon prej kohësh profilin e tij në rrjetin social, pasi ia kanë thyer sigurinë.

"Me keqardhje edhe njëherë dua të njoftoj të gjithë qytetarët e vendit dhe të gjithë lexuesit e tjerë se persona të panjohur kanë thyer që nga muaji maj i këtij viti faqen time zyrtare ne Facebook dhe atë e mbajnë peng duke e keqpërdorur dhe duke bërë postime të rrejshme në emrin tim", thotë Sejdiu në një njoftim për mediat.

Fatmir Sejdiu sqaron mediat që të mos postojnë lajme nga statuset në profilin e tij, pasi nuk janë fjalët e thëna nga ai vetë dhe po ashtu ka shtuar se rastin e ka denoncuar në polici. /albeu.com/
Shtuar më 30/09/2014, ora 15:18
Shkruani komentin tuaj!
Të fundit nga kjo kategori