Facebook mbyll 212 llogari nga Maqedonia e Veriut dhe Kosova
Kompania Facebook tha të martën se ka mbyllur disa llogari të tjera nga Irani, Rusia, Maqedonia e Veriut dhe Kosova, duke përmendur si arsye “veprime të koordinuara dëmtuese”.

2,632 faqe, grupe dhe llogari gjithsej u hoqën nga Facebook-u dhe Instagrami për aktivitet të lidhur me vendet e përmendura, tha platforma sociale.

513 llogari ishin të lidhura me Iranin, ndërsa 1,907 ishin të lidhura me Rusinë, tha Facebook. Ndërsa pjesa tjetër janë mbyllur në Kosovë dhe Maqedoninë e Veriut.

Llogaritë e lidhura me Rusinë u hoqën kryesisht se kishin shkaktuar spam dhe vetëm disa prej tyre ishin angazhuar në veprime të koordinuara dëmtuese, sipas deklaratës.

Facebook tha gjithashtu se faqet dhe llogaritë ishin mbyllur për mënyrën e funksionimit dhe jo për përmbajtjen.

Platforma e medias sociale kohët e fundit ka marrë masa ndaj llogarive të tilla në shumë vende, pasi është kritikuar ashpër dy vitet e fundit për zvarritje – të pranuar edhe nga vetë kompania – në zhvillimin e instrumentave për të luftuar ekstremizmin dhe operacionet e propagandës. Kompania mbylli edhe disa llogarilidhura me Iranin në fillim të janarit.
Shtuar më 27/03/2019, ora 08:58

Shkruani komentin tuaj!
Të fundit nga kjo kategori