Masakra në Bllok, arrestohet pronari i lokalit Redi Popesku
Emërimet politike rrezikojnë 25 milionë eurot e BE-së
Pëlqej
Në dhjetor të vitit të kaluar Qeveria e Kosovës dhe Bashkimi Evropian (BE) e nënshkruan një marrëveshje për reforma sektoriale në administratën publike.

BE-ja u zotua se në këtë proces do ta ndihmojë Kosovën me 25 milionë euro

Prej tyre 22 milionë euro mbështetje direkte buxhetore dhe 3 milionë euro tjera asistencë teknike.

Megjithatë, emërimet e fundit politike dhe pa kurrfarë kriteresh nëpër bordet e ndërmarrjeve publike nga Qeveria e Kosovës e kanë vënë seriozisht në pikëpyetje derdhjen e këtyre mjeteve në buxhetin e Kosovës.

Vetëm muajin e fundit Qeveria bëri dy emërime politike në kundërshtim me ligjin.
Siç është rasti me sekretarin e përgjithshëm në MTI Burim Rrecajn dhe emërimin e ish-kreut të OVL-ve të UÇK-së Muharrem Xhemajlit në “Ibër-Lepenc”.

Në një përgjigje për gazetën “Zëri” ndaj këtyre emërimeve, krahas Ambasadës së Britanisë tashmë ka reaguar edhe Zyra e Bashkimit Evropian në Kosovë.

“BE-ja vazhdimisht ka bërë thirrje se emërimet politike duhet të ndalen, pasi një administratë e pavarur dhe profesionale është jetike për çdo qeveri që të implementojë politika adekuate. Është e vërtetë që emërimet politike po vazhdojnë përgjatë viteve në institucione të ndryshme dhe posaçërisht në bordet e ndërmarrjeve publike pavarësisht faktit se ligji qartazi thotë së të emëruarit nuk duhet të jenë të lidhur me partitë politike”, thuhet në reagimin e Zyrës së BE-së në Kosovë ndaj këtyre emërimeve.


Shtuar më 14/02/2018, ora 09:01
Shkruani komentin tuaj!
Të fundit nga kjo kategori