EKSKLUZIVE/ Vrau Almirin, prokuroria kërkon rikthimin në burg të vrasësit Boban Iliç
Pëlqej
Lirimi nga burgu i vrasësit të katër vjeçarit shqiptar Almir Aliu ka shkaktuar një zemërim të madh tek shqiptarët në Maqedoni për mënyrën se si prokuria e trajtoi çështjen.

Gjatë seancës së fundit, prokurorët e klasifikuan vrasjen e Almirit si një aksident, të cilin Boban Iliç e kishte shkaktuar në kushte të rënda psikologjike.

Ishte pikërisht kjo gjë që e nxorri atë nga burgu duke shkaktuar reagimin e shqiptarëve.

Ndërkohë, Albeu.com mëson ekskluzivisht se Prokuroria e Kumanovës ka ankimuar vendimin për lirimin e Boban Iliç duke kërkuar rigjykimin e çështjes dhe rivlerësimin e fakteve.

Burime ekskluzive për Albeu.com bëjnë me dije se nëse gjykata do të marrë në konsideratë këtë kërkesë, Boban Iliç mund të mbyllet për një kohë të gjatë pas hekurave për vrasje me dashje. /albeu.com/
Shtuar më 17/03/2018, ora 13:43
Shkruani komentin tuaj!
Të fundit nga kjo kategori