Edita Tahiri: Nuk garoj në zgjedhje, Kosovës i kam dhënë maksimumin
Ish-Ministrja për Dialog, Edita Tahiri, ka thënë se nuk do të garojë në zgjedhjet e reja që pritet të mbahen së shpejti.

Tahiri, në Info Magazine të Klan Kosovës, nuk ka treguar nëse ka marrë ftesë nga ndonjëra prej partive politike.

Ajo ka deklaruar se për të primare në këtë kohë pandemie është shëndeti i saj.

“Në zgjedhje nuk e kam ndërmend të marr pjesë, sepse është kohë pandemie. Natyrisht që ka shumë që marrin pjesë, por konsideroj se Kosovës i kam dhënë maksimumin nga mendja, shpirti, ana fizike dhe emocionale.

Në këtë kohë pandemie nuk ma merr mendja se do të marr pjesë, sepse fushata duhet bërë në mënyrë të drejtpërdrejtë sepse jo çdo gjë mund të bëhet në mënyrë virtuale”.

“Kërkoj mirëkuptimin e simpatizantëve dhe përkrahësve që numër një e kam shëndetin në këtë periudhë. Në kohërat e okupimit kam qenë e gatshme që të vdes për Kosovën.

Çdo ditë ka qenë rrezik që të vritem, por ajo ka qenë lufta jonë për liri dhe kam qenë e gatshme. Tani po kujdesem për shëndetin tim dhe nuk besoj që do të marr pjesë”.
Shtuar më 30/12/2020, ora 18:58

Shkruani komentin tuaj!
Të fundit nga kjo kategori