Ashpërsimi i gjuhës së sekretarit të përgjithshëm të PDK-së, Jakup Krasniqi, në raport me bashkëpartiakët e tij që mbajnë pozita të larta në ekzekutivin e vendit, duket se iu ka dhënë “zemër” edhe anëtarëve të tjerë të këtij subjekti politik.


Flora Brovina, njëra nga femrat më me ndikim në PDK të shprehet e pakënaqur me gjendjen në të cilën ndodhet partia më e madhe në vend. Duke iu bashkuar kritikave të Jakup Krasniqit, dhe të nënkryetarit Fatmir Limaj, Brovina ka thënë se, Partia Demokratike e Kosovës në shumë segmente ka devijuar nga rruga e drejtë, shkruan Zëri.


“Kur flas për PDK-në, flas edhe për shumicën e partive, që kanë nevojë për një demokratizim të brendshëm, dhe një komunikim partiak më të madh në mes të anëtarëve të kryesisë dhe anëtarëve në baza. Kjo vlen edhe për PDK-në”, thotë Brovina. /albeu.com/