Nano jep vendimin, shkarkon nga detyra Eduart Merkaj, ja kush e zëvendëson

Gledis Nano shkarkon nga detyra kreun e Policisë Kufitare, Eduart Merkaj.

Merkaj  ishte emëruar në këtë pozicion që prej 4 janarit të vitti 2019 nga ish-ministri i Brendshëm Sandër Lleshaj.

Në vend të tij është emëruar Saimir Boshnjaku i cili më herët ka mbajtur postin e drejtorit në Drejtorinë e Kufirit dhe Migracionit në Tiranë.

Ai ka mbajtur prej vitesh detyra të ndryshme në organet e sigurisë.

Gjatë viteve 2000-2002 ka qenë Oficer i SHISH Vlorë, ndërsa në periudhën 2002-2003 ka qenë Oficer i SHISH Tiranë. 2003-2006: Oficer në SHKB, pranë Ministrisë së Rendit Publik; 2006-2010: O.P.Gj pranë Zyrës së Prokurorit të Përgjithshëm; 2010-2013: Specialist në Sektorin Antikorrupsion, Drejtorinë e Përgjithshme të Policisë së Shtetit. 2013-2015: Shefi Sektorit të Forcës së Posaçme, në Drejtorinë e Forcës së Posaçme Operacionale, në Drejtorinë e Policisë së Shtetit. Janar 2016-Prill 2017: Shefi i Sektorit per Hetimin e Korrupsionit ne Drejtorinë për Hetimin e Krimit Ekonomik e Financiar në Drejtorinë e Policisë së Shtetit. Prill 2017 – 20 Mars 2018: Drejtor i Përgjithshëm i Shërbimit për Çështjet e Brendshme dhë Ankesat në Ministrinë e Brendshme. Mars 2018 – 03 Janar 2019: Drejtor i Departamentit të Policisë Kriminale, në DPPSh./albeu.com


Shtuar 18.07.2022 15:45