Ministri Tahiri jep dorëheqje, frika e tij për vizat
Ministri i Drejtësisë, Abelard Tahiri, ka ofruar dorëheqjen nga posti i tij.

Vendimi për dorëheqje erdhi pasi Tahiri nuk ka qenë i kënaqur me zhvillimet e fundit në sistemin e Drejtësisë, duke përfshirë këtu edhe ndërhyrjet politike. Ai ka konsideruar se të gjitha këto pritet të ndikojnë në mosliberalizimin e vizave.

Burime thonë se Tahiri i ka ofruar dorëheqjen kryetarit të partisë dhe kryeministrit të vendit.

Sipas këtyre burimeve, ofrimi i dorëheqjes vjen si pasojë e problemeve të fundit në sistemin e drejtësisë dhe ndërhyrjeve politike në të,raporton express.

Akoma nuk është konfirmuar pranimi i dorëheqjes së Tahirit.

Gjithashtu, deri te vendimi për të ofruar dorëheqjen, Tahiri ka ardhur pasi ai ka parë vështirësi në liberalizimin e vizave pikërisht për shkak të zhvillimeve të fundit në Drejtësi.


Shtuar më 01/10/2018, ora 12:56
Shkruani komentin tuaj!
Të fundit nga kjo kategori