E dhimbshme, 12 vjeçarja humb jetën në orën e mësimit
Pëlqej
Një vdekje e papritur ka ndodhur sot në Istog, ku një vajzë e shkollës fillore ‘Bajram Curri’, ka ndërruar jetë në bankën e klasës. Rastin e ka konfirmuar zëdhënësi i policisë rajonale në Pejë, Driton Rugova

Ra pa shenja jete në klasë. Profesori si dhe nxënësit e tjerë tentuan që t’ia japin ndihmën 12-vjeçares, M.B, por pavarësisht ndihmës ajo ndërroi jetë.

Vdekjen e vajzës, e cila vijonte mësimet në klasën e shtatë, e konstatuan ekipi i mjekëve të Spitalit Rajonal të Pejës, aty ku edhe u dërgua me autoambulancë për ndihmë mjekësore shkruan ekspress.

Zëdhënësi i policisë në Pejë, deklaroi se rasti po cilësohet si hetim i vdekjes.

“Mund t’jua konfirmojë se një i mitur gjatë ditës së sotme është gjetur pa shenja jete. Hetimet janë duke vazhduar. Ndërkohë rasti është cilësuar si ‘Hetim i vdekjes’. Shkaqet ende nuk dihen”, ka konfirmuar Rugova.

Tutje ai ka deklaruar se trupi i pajetë i viktimës i është kthyer familjes për ceremoninë mortore.

Nuk dihen ende shkaqet e vdekjes së vajzës së re. Express do t'ju mbajë të informuar për këtë çështje./GazetaExpress/
Shtuar më 16/10/2018, ora 18:32
Shkruani komentin tuaj!
Të fundit nga kjo kategori