Drecun: Në Bruksel nuk u bisedua për pavarësinë e Kosovës
Kryetari i Komisionit Parlamentar për Kosovën në Kuvendin e Serbisë, Milovan Drecun, ka thënë për "RTS", tha se mesazhi më i rëndësishëm që u dërgua pas takimit në Bruksel mes liderëve të Kosovës dhe Serbisë, ishte për të stabilizuar situatën dhe për të zgjidhur problemet në mënyrë paqësore.

Takimi trepalësh, në të cilin u takuan përfaqësuesit e Kosovës dhe të Serbisë, nuk ka kaluar as gjysmë ore, ndërsa Drecun shpjegoi se takimet nuk do të zgjasin shumë meqë do të jenë takime të shpeshta në kontinuitet, raporton "B92".

"Unë mendoj se ne do të kemi takime të vazhdueshme dhe se ato nuk do të zgjasin aq gjatë sa kur është arritur marrëveshja e Brukselit.

Bisedohet për çështje konkrete, të dyja palët kanë qenë konstruktive, nuk kishte çështje që Prishtina është duke u përpjekur që ta imponojë, e kjo është shpallja e pavarësisë", ka thënë Drecun.

Duke folur për "spekulimet" se Hashim Thaçi dhe Isa Mustafa shkojnë në Bruksel me një letër me të cilën do të kërkojnë që Serbia të njohë pavarësinë e Kosovës, Drecun tha se kjo nuk ishte reale dhe se as që duhet të diskutohet.

"Ata kanë mund që Mogherinit t’i shfaqin disa nga mendimet e tyre dhe që të dilet nga korniza e statusit neutral dhe statusit të Kosovës, por nëse ajo do t’a përcillte, ajo do të refuzohej.

Përpjekja e Prishtinës për të detyruar Beogradin që të tërhiqet nga procesi i formimit të BKS-së do të bllokonte edhe marrëdhëniet", ka thënë Drecun.

"Është biseduar për çështje konkrete, të cilat mund të rrezikojnë stabilitetin, për situatën në veri të Kosovës, gjyqësorin, energjetikën, ku gjërat kanë përparuar", ka thënë Drecun. /albeu.com/
Shtuar më 02/02/2017, ora 11:29

Shkruani komentin tuaj!
Të fundit nga kjo kategori