Kandidatja për deputete nga radhët e koalicionit AAK-PSD, Donika Kadaj Bujupi, ka zhvilluar takim me banorët e Hajvalisë së Prishtinës, nga të cilët mori mbështetjen për koalicionin e tyre.

Kadaj – Bujupi, ka thënë me bindje se të gjithë po i mbështesin, sepse sipas saj vetëm me ta “bëhet Kosova 100%!”

“Banorët e Hajvalisë sot kanë kryeqytet. Deri në ardhjen e Qeverisë Haradinaj, Prishtina e tyre me ligj trajtohej njëjtë sikurse çdo qytet apo qytezë tjetër e Kosovës, sepse pushtetet e mëhershme kalkulonin politikisht edhe për një çështje kaq të rëndësishme, siç kalkulonin edhe me Pallatin e Rinisë që nuk ia kthenin komunës në menaxhim. Qeveria Haradinaj i rregulloi këto dy çështje sepse ne nuk marrim vendime për inat, por për qytetarët e vendit”, ka shkruar ajo në “Facebook”.

Postimi i plotë:

Banorët e Hajvalisë sot kanë kryeqytet. Deri në ardhjen e Qeverisë Haradinaj, Prishtina e tyre me ligj trajtohej njëjtë sikurse çdo qytet apo qytezë tjetër e Kosovës, sepse pushtetet e mëhershme kalkulonin politikisht edhe për një çështje kaq të rëndësishme, siç kalkulonin edhe me Pallatin e Rinisë që nuk ia kthenin komunës në menaxhim. Qeveria Haradinaj i rregulloi këto dy çështje sepse ne nuk marrim vendime për inat, por për qytetarët e vendit.

Prandaj kemi fituar besimin dhe shihemi si parti që më të rëndësishme se veten e ka shtetin dhe qytetarët.

E nderuar të bashkëbisedoja me disa qytetarë të Hajvalisë së Prishtinës, të cilët shprehën mbështetjen e pakusht për koalicionin tonë. Të gjithë po na mbështesin, sepse vetëm me ne bëhet Kosova 100%!