Do shkonte nesër në Sarajevë, Vllasi: Nuk më plagosi një budalla
Avokati nga Kosova, Azem Vllasi, i cili u plagos mëngjesin e sotëm me armë zjarri shumë pranë shtëpisë së tij, është shprehur i bindur se hetimet do e tregojnë se kush qëndron pas sulmit ndaj të tij.

"Nuk mundet një budalla të vijë në atë mënyrë tek unë. Një njeri i dobët ka ardhur te dera ime dhe më ka sulmuar.

Unë mund të them se nuk kam asnjë kontest me dikë, as unë as familja ime, as në lidhje me punët e mia të avokatisë e as politikisht, sepse unë nuk kam ndonjë pushtet.

Nuk e di çfarë të mendoj, shpresoj që hetimet do të zbulojnë shumë se kush qëndron prapa kësaj", ka thënë Vllasi për Gazetën e Sarajevës.

Vllasi gjithashtu ka treguar se nuk është i sigurt nëse sulmi është porositur, por ka thënë se nesër ka pasur plan që të udhëtojë drejt Sarajevës, por vizita është shtyrë.

Ndërkohë, Policia e Kosovës ka shoqëruar në rajon shtetasin Murat Jasharin si të dyshuarin kryesor për sulmin ndaj avokatit Vllasi. /albeu.com/


Shtuar më 13/03/2017, ora 16:09

Shkruani komentin tuaj!
Të fundit nga kjo kategori