Kurti: Marrëveshja me Serbinë s’do të jetë e lehtë, Vuçiç është student i Shashelit

Kryeministri Albin Kurti ka thënë se marrëveshja ndërmjet Kosovës dhe Serbisë nuk do të jetë e lehtë. Në një intervistë për televizionin N1 të Bosnjës, ai tha se përplasja ndërmjet tij dhe Presidentit Aleksandër Vuçiç, është në fakt përplasje ndërmjet vizionit dhe trashëgimisë së Adem Demaçit dhe asaj të Vojisllav Sheshelit.

“Aleksandar Vuçiç, presidenti i Serbisë sot, është student politik i Vojisllav Sheshelit. Ndërsa unë, si kryeministër i Republikës së Kosovës, unë jam student politik i Adem Demaçit. Dhe ky ballafaqim, kjo përplasje ndërmjet kryeministrit të Kosovës dhe presidentit të Serbisë është në një mënyrë thelbësore, përplasje ndërmjet Adem Demaçit, atij vizioni dhe asaj trashëgimie, dhe Vojisllav Sheshelit. Andaj unë e pranoj që marrëveshja ndërmjet Kosovës dhe Serbisë nuk do të jetë e lehtë, por megjithatë mendoj që duhet t’i jepet shancë dialogut dhe të shpresojmë e të punojmë për më mirë”, ka thënë Kurti.


Shtuar 4.12.2022 16:12