Drejtoria e Fakultetit të Farmacisë në Beograd pranoi se djali i ish-ministrit për Kosovën në qeverinë serbe të Tadiqit, Goran Bogdanoviq nga Leposaviqi, është regjistruar në këtë fakultet edhe pse ishte i 178-ti nën vijën përkufizuese të kandidatëve pa pikë të mjaftueshme për regjistrim.

Dekania e re e këtij fakulteti, prof. dr. Zorica Vujiq tha se detyrën e dekanit e ka marrë në fillim të muajit tetor, kur regjistrimi kishte përfunduar, por që menjëherë pas shkrimit në gazetën Blic për këtë regjistrim të padrejtë ka urdhëruar verifikimin se si ka ndodhur kjo.


Sipas Kohës Ditore Velimir Tmushiq i ka thënë më parë gazetës që nëse konstatohet se Vasilije Bogdanoviq është regjistruar në mënyrë jo të rregullt, atëherë ai regjistrim do të anulohet. Fakulteti i farmacisë në Beograd ka pranuar 245 studentë, ndërsa djali i Goran Bogdanoviqit ka qenë në listën e suksesit në provim pranues i 423-ti. /albeu.com/