Diaspora mbetet shtylla e Kosovës
Ministri i Diasporës, Valon Murati, është shprehur se diaspora shqiptare është shumë e rëndësishme për Kosovën për shkak të kontributit që jep në shumë forma, qoftë përmes remitancave, investimeve apo formave tjera.

Gjatë një interviste të dhënë për gazetën “Zëri” ka thënë se diaspora ka kontribuuar qysh në kohën e Rilindjes e deri në kohën e çlirimit dhe pavarësimit të vendit, ndihmë kjo që po vazhdon edhe tani.

Murati ka thënë se sipas raportit të Bankës Qendrore të Kosovës, gjatë vitit të kaluar ka pasur një ngritje të remitancave, të cilat e kanë arritur shifrën prej 740 milionë eurosh, por ai shprehet optimist se kjo shifër është edhe më e madhe kur kemi parasysh se një shumë e madhe e të hollave nuk vijnë përmes transfereve bankare.

Më tej në këtë intervistë Murati ka thënë se është duke vazhduar procesi i regjistrimit të diasporës. Ai gjithashtu ka folur edhe për punën që është duke bërë kjo Ministri dhe për organizimet që do të bëhen gjatë verës për nder të bashkatdhetarëve. /albeu.com/
Shtuar më 11/07/2016, ora 09:59

Shkruani komentin tuaj!
Të fundit nga kjo kategori