Sekretarja amerikane e Shtetit, Hillary Clinton, dhe përfaqësuesja e lartë për Politikë të Jashtme e Siguri të BE-së, Catherine Ashton javën e ardhshme arrijnë në Beograd.


Sipas burimeve të ditores “Veçernji Novosti”, Clinton dhe Ashton nuk do të dorëzojnë kërkesa të reja për Kosovën, por do të vijnë për të inkurajuar rinisjen e dialogut dhe për të përsëritur atë se çka pritet nga Serbia në lidhje me Kosovën.


Sipas kësaj gazete, nga serbia do të kërkohet reliazimi i disa pikave si:
- Zbatimi i plotë i marrëveshjes për menaxhim e integruar të pikëkalimeve kufitare.
- Tërheqja e Beogradit nga strukturat e sigurisë dhe të drejtësisë në veri të Kosovës
- Vazhdimi i dialogut dhe ngritja e bisedimeve në nivel politik, pa cenuar statusin e Kosovës
- Gjetja e zgjidhjeve për sektorët e telekomunikacionit dhe energjisë.
Clinton dhe Ashton me palën serbe do të qartësojnë listën e temave dhe datën e saktë kur të dy palët do të ulen në Bruksel. /albeu.com/