Dialog ose "izolim" të Kosovës
Baronesha Catherine Ashton është shprehur se dialogu me Serbinë është i pashmangshëm për qeverinë e Prishtinës, kushdo qoftë në krye të saj.

BE pret që dialogu Kosovë - Serbi të vazhdojë dhe të implementohen edhe marrëveshjet e arritura deri më tani në Bruksel.

“Unë vetëm mund të them se presim nga Qeveria e re e Kosovës të vazhdojë dialogun dhe implementimin e Marrëveshjes së 19 prill 2013”, ka thënë për “Zëri”, zëdhënësja e Ashton, Maja Kocijançiç.

E vetmja forcë që është kundër bisedimeve me Serbinë është Vetëvendosja.

Partitë e tjera opozitare që nënshkruan edhe koalicionin janë dakord për bisedime me Serbinë dhe puna e tyre mbetet që të bindin edhe VV-në që të jetë dakord për bisedimet.

Zëdhënësja e Ashton, Kocijançiç mësohet të ketë thënë se duhet dialog me Serbinë, ose në të kundër ekziston rreziku që Kosova ti prishë marrëdhëniet me ndërkombëtarët. /albeu.com/
Shtuar më 19/06/2014, ora 11:33

Shkruani komentin tuaj!
Të fundit nga kjo kategori