Dështon nisma e KEK për pensionet e parakohshme
Korporata Energjetike e Kosovës dështoi për pensionimin e parakohshëm të punëtorëve. Sipas Sindikatës së KEK’ut, nga 2400 punëtorë, në këtë skemë kanë aplikuar vetëm 30 veta.

Sipas Express planet e Korporatës Energjetike të Kosovës për t’i çuar në pension të parakohshëm afër 2400 punëtorë, kanë shkuar huq. Në skemën për pensionim të parakohshëm të punëtorëve mbi moshën 55 vjeç, sipas sindikatës së punëtorëve të kësaj korporate, kanë aplikuar vetëm 30 veta.

Menaxhmenti i kësaj korporate kishte marrë një vendim që punëtorët mbi moshën 55-vjeçare t’i dërgojë në pension të parakohshëm, duke synuar kështu zvogëlimin e numrit të të punësuarve në këtë korporatë. Ky njoftim ishte përcjellë te ta nga vetë drejtori i Korporatës, Arben Gjukaj. Madje punëtorët që do të aplikonin në këtë skemë, do t’iu nënshtroheshin edhe disa testeve dhe ushtrimeve fizike. E ata që nuk do t’i kalonin këto, do të konsideroheshin tepricë në Korporatë. /albeu.com/
Shtuar më 24/04/2012, ora 11:57

Shkruani komentin tuaj!
Të fundit nga kjo kategori