Deputetët e partisë austriake: Kosova, "çerdhe" e ISIS-it në Evropë
Konsulli i Kosovës në Strasburg, Edon Cana, ka thënë për emisionin "Info-Box" në RTV Dukagjini, se ratifikimi i Marrëveshjes së Stabilizim-Asocimit nga ana e Parlamentit Evropian, dëshmon përkrahjen që ka Kosova në këtë mekanizëm.

Sipas tij, partitë parlamentare evropiane u pajtuan se ratifikimi i kësaj marrëveshje është një ditë historike për Kosovën, për çka dëshmon edhe votimi i deputetëve të PE-së.

"Kishte disa zëra kundër, si rasti i deputetëve të Partisë së Lirisë, parti austriake, ku u tha se Kosova do të jetë çerdhe e ISIS-it në Evropë... Kosova rrezikon të bëhet një bazë e rekrutimit të terroristëve", ka theksuar Cana.

Sipas tij, ka qene edhe rasti i partive destruktive greke.

"E majta dhe e djathta ekstreme, kanë lëshuar deklarata të llojit se po mbështetet imperializmi amerikan përmes përkrahjes se Kosovës, deri e djathta ekstreme greke e cila e ka qortuar injorancën e Evropës sipas tyre, që e ka lënë Kosovën të formohet si shtet", ka shtuar Cana.

Parlamenti Evropian ka votuar me shumicë absolute, 486 vota pro dhe 102 kundër, ratifikimin e Marrëveshjes së Stabilizim-Asocimit me Kosovën. /albeu.com/
Shtuar më 21/01/2016, ora 15:07

Shkruani komentin tuaj!
Të fundit nga kjo kategori