“Po e nisim ditën me një Superlajm!
Eridon Qardaku ka kryer edhe tamponin e tretë, duke u konfirmuar negativ, e tashmë do t’i rikthehet jetës normale!”
Me këtë postim të parë të ditës së sotme në rrjetin social Facebook, klubi i Bylisit njofton se futbollisti 19-vjeçar është përfundimisht i pastër nga COVID-19 dhe mund të vijojë normalisht stërvitjen me ekipin.
Pozitiviteti i mesfushorit me tipare sulmuese vuri në diskutim edhe rifillimin e Superiores, pikërisht ndeshjen Bylis-Tirana, por fatmirësisht ai nuk kishte infektuar asnjë shok tjetër të skuadrës dhe tashmë edhe vetë është i shëruar.