Demolli: Presidenti veproi sipas kompetencave, ushtria në dorë të Qeverisë
Ministri i Forcës së Sigurisë së Kosovës, Haki Demolli, ka deklaruar e presidenti është njëherësh komandanti suprem i FSK-së, prandaj dhe ai ka vepruar në përputhje me kompetencat e tij për ushtrinë.

"Dy vjet me radhë, në vitin 2015 dhe në vitin 2016, ia kemi proceduar Qeverisë së Kosovës, mirëpo i njëjti draft ligj nuk është proceduar më tutje", është shprehur Demolli gjatë një interviste për "Ekonomia Online", duke shtuar se Projektligji i përgatitur nga Zyra e Presidenti "nuk është i përkryer", por beson se ai do të plotësohet.

"FSK-ja do të jetë forcë e të gjithëve dhe do të jetë forcë për të gjithë, kështu që është e pritshme dhe e dëshirueshme që në transformimin e FSK-së në Forcë të Armatosur të kenë përgjegjësinë e vet të gjithë deputetët e të gjitha komuniteteve, përfshirë këtu edhe të komunitetit serb", ka thënë Demolli.

Demolli ka shtuar në fund se "çdo gjë, thuajse është e përgatitur, nga ministritë përkatëse dhe procedimi i ligjit në Kuvend tani varet nga Qeveria e Republikës së Kosovës". /albeu.com/
Shtuar më 22/03/2017, ora 09:40

Shkruani komentin tuaj!
Të fundit nga kjo kategori