Demaçi: Rusia po pengon krijimin e Forcave të Armatosura
Veprimtari i çështjes kombëtare, Adem Demaçi është shprehur se prapa bllokimit që iu bë Forcave të Armatosura të Kosovës qëndron Rusia.

Ai thotë më tej se nuk është kundër pakicave, por ata të mos e bllokojnë vullnetin e shumicës.

“Unë jam për të drejtat e pakicave padiskutim, por nuk jam që pakica ta bllokojë shumicën. Një grusht serb ta bllokojnë një vendim të një kuvendi... Sepse dikush nga Rusia ju ka thënë, shiko, mos lejoni ta bëjnë shqiptarët armatën atje sepse me Armatë ata hyjnë në NATO. NATO-ja kështu, bëhet ashtu, nuk dimë se ç’bëhet, do me thënë miqtë tanë na përzihen në punët tona dhe vijnë këshilla, jo bone kështu edhe një mandat jepja", thotë më tej Demaçi.

Adem Demaçi foli më tej edhe për Gjykatën Speciale, duke thënë se shqiptarët edhe nëse kanë bërë krime, i kanë bërë nga mbrojtja për të mos rënë pre e dhunës mizore të ushtarëve serbë. /albeu.com/

Shtuar më 06/05/2014, ora 10:04

Shkruani komentin tuaj!
Të fundit nga kjo kategori