Dedaj bëhet Ambasador i Kosovës
Një ankesë e deputetëve të Grupit 6+ ka detyruar kryeministrin e Kosovës, Ramush Haradinaj, të distancohet nga deklaratat fyese të zëvendësministrit të Jashtëm, Gjergj Dedaj, bërë kundër Turqisë.

Megjithatë, mbetet të shihet nëse Haradinaj do të plotësojë edhe kërkesën për shkarkimin e Dedajt, që është pjesë e letrës që i dërguan gjashtë deputetët minoritarë, që janë pjesë e koalicionit qeverisës.

Në letrën dorëzuar Haradinajt, deputetët e 6+ thonë se zëvendësministri i Punëve të Jashtme, Gjergj Dedaj, “me deklaratat e tij nënçmuese, fyese dhe përçarëse e ka ofenduar komunitetin turk”.

Por, deklarimet e Dedajt që Qeveria i cilëson fyese ndaj Republikës së Turqisë, duket se nuk do ta pengojnë zëvendësministrin e Jashtëm Dedaj të shpërblehet me dërgimin në shërbimin diplomatik.

Burime të sigurta i kanë thënë “Kohës Ditore” se Dedaj tashmë është propozuar për ambasadorin e ardhshëm të Kosovës në Maqedoni.


Shtuar më 01/08/2018, ora 07:52

Shkruani komentin tuaj!
Të fundit nga kjo kategori