Deda: Marrëveshja, historike
Pëlqej
Marrëveshja e arritur në mes bllokut LDK-AAK-NISMA dhe Vetëvendosjes është një hap drejt sovranitetit politik në vend.

Kështu e ka vlerësuar Ilir Deda marrëveshjen e arritur sot në mes LAN dhe Vetëvendosjes.

"Nënshkrimi i marrëveshjes së parimeve qeverisëse ndërmjet LVV dhe koalicionit LDK/AAK/NISMA paraqet kthesë në politikëbërje në Kosovë. Është hera e parë pas 15 vitesh që forcat politike në Kosovë merren vesh vet për qeveri dhe politika qeverisëse, pa drejtimin e faktorit ndërkombëtar. Ky është një hap drejt sovranitetit politik të vendit. Sot ekziston një vullnet dhe realitet i ri politik në Kosovë për forcim të shtetit, për përforcimin e sovranitetit ndërkombëtar, zotim për luftë kundër korrupsionit dhe për ndërmarrje të hapave urgjente për zhvillim ekonomik. Këtë vullnet politik - të nënshkruar nga shumica politike në Kosovë duhet ta respektojnë të gjithë akterët në Kosovë", ka shkruar Deda.

Ai ka shtuar se nuk dihet se çfarë do të sjellë e ardhmja, por se për herë të parë po bashkohen disa forca politike që mendojnë seriozisht për të ardhmen e shtetit të Kosovës. /albeu.com/
Shtuar më 10/09/2014, ora 16:21
Shkruani komentin tuaj!
Të fundit nga kjo kategori