Dardan Sejdiu e pranon se ka pasur organizim nga VV për transportin e votuesve
Nënkryetari i Vetëvendosjes, Dardan Sejdiu në emisionin “Debat D” ka pohuar se Lëvizja Vetëvendosje ka organizuar transport për votuesit e saj.

Sjediu ka thënë se kjo ky organizim nuk ka të bëjë me shkelje.
Ai më tej ka thënë se VV ka ndjekur politikën e kryeministrit kanadez, Justin Tredeau.

“Po ka pasur. Justin Trudeau kryeministrit i Kanadasë e ka publikuar në Twitter-in e tij numrin e liberalëve për çdo kënd që ka vështirësi të shkojë të votojë, prandaj kjo nuk mund të quhet shkelje”, ka deklaruar ai.

Sejdiu më tej ka thënë se asnjë votues nuk e kemi marrë me zor që të na dërgoj të votojë.

I pyetur nga gazetari se a ka numër të saktë se sa persona kanë qenë të angazhuar në këtë organizim, Sejdiu ka thënë se nuk e di.

Nënkryetari i VV-së tha se edhe LDK ka vepruar njëjtë në komunën e Istogut, madje ai me vete kishte marrë edhe një shkrim të një militanti nga radhët e LDK-së. /albeu.com/

Shtuar më 21/11/2017, ora 22:00
Shkruani komentin tuaj!
Të fundit nga kjo kategori