Daçiç zbulon zyrtarin amerikan që po dëgjon për ndarjen e Kosovës
Ministri i Jashtëm i Serbisë, Ivica Daçiç, i cili gjatë qëndrimit në Washington, i ka dhënë shtytje edhe opsionit të ndarjes së Kosovës, ka thënë se SHBA-ja e ka ndryshuar qasjen dhe për këtë si shkaktar e ka përmendur diplomatin Wes Mitchel.

Daçiç ka treguar fragmente nga biseda me ndihmësin e sekretarit të Shtetit ku është përmendur edhe ndarja.

Daçiç ka thënë se ndarja nuk është opsioni i vetëm në procesin e dialogut.

“Situata tani ka ndryshuar pas ardhjes së administratës së re, siç më tha këshilltari i ri për siguri kombëtare Bolton. Gjithë këto dekada prapa, politika e jashtme e SHBA-së është bazuar në autopilot, nuk ka ndryshuar. Për herë të parë pas ardhjes së Trump-it, e veçmas pa emërimit të Wess Mitchel i autorizuar për rajonin tonë, qasja e tyre është që duan të dëgjojnë, të kenë, siç thonë ata, një qasje kreative, jo të bazuar në autopilot, por një qasje që çon te kompromisi, kjo është shumë me rëndësi dhe kjo i hap rrugë dialogut dhe është një porosi e qartë për Prishtinën”, ka thënë Daçiç.

Ai më pas ka zbuluar se me amerikanin ka diskutuar ndarjen.

“I thashë Wes Mitchelit se Peshkopi Teodosije thotë se është kundër ndarjes sepse manastiret do të mbesin jashtë Serbisë, do të mbetet populli në jug të Kosovës, e ai më tha – pse tani nuk është kështu kjo?”

Por, a është zgjidhje ndarja në vija etnike?

“Vetë fakti që është hapur dialogu, hapet mundësia që secili të propozojë ndonjë zgjidhje kreative. Kjo mund të jetë ndonjëra prej zgjidhjeve, por nuk është e vetmja”, ka thënë Daçiç.


Shtuar më 30/07/2018, ora 16:18
Shkruani komentin tuaj!
Të fundit nga kjo kategori