Daçiç nxjerr sekrete, gjatë një takimi të dialogut u rraha me këtë ministër të Kosovës
Pëlqej
Ministri i jashtëm serb, Ivica Daçiç ka konfirmuar atë që ka thënë Vuçiçi lidhur me një rast kur gjatë një takimi me delegacionin e Kosovës, për pak sa nuk ishin rrahur.

Daçiç ka thënë se ‘në këtë rast ishin të involvuar’ vetë ai dhe ish-ministri i Drejtësisë kosovare, Hajredin Kuçi, shkruan b92.

Daçiq ka konfirmuar kështu deklaratën e Vuçiçit i cili ditë më parë tha se ‘ai ishte vënë në ndihmë të Daçiçit’ në këtë rast.

Daçiç ka thënë se ‘personalitetet më ekstreme nga delegacioni i Prishtinës kanë qenë Hajredin Kuçi dhe Edita Tahiri”.

“Humba krejtësisht, ua thash të gjitha gjërat që kisha në mend si për shembull: kush jeni ju që çdo ditë t’i kërkoni Serbisë llogari për atë që ju e quani gjenocid. Ata nuk pranojnë asgjë”, tha Daçiç.

“Më pas, Hajredin Kuçi më tha se serbët janë vrasës dhe më pas për pak se nuk u rrahëm fizikisht”, ka thënë Daçiç.

Kuçi dhe unë u hodhëm mbi tavolina dhe filluam përleshjen fizike. Pastaj ishte Vuçiç ndërhyri, u thanë fjalë shumë të rënda dhe në fund përfunduam të heshtur. Më pas, shefja e politikës së jashtme atëkohë, Catherine Ashton i përzuri të gjithë nga takimi”, ka thënë ai.


Shtuar më 16/01/2019, ora 17:43
Shkruani komentin tuaj!
Të fundit nga kjo kategori