Ç'po ngjan me Gani Gecin?!
Pëlqej
Qindra njerëz përcollën për në banesën e fundit Ruzhdi Shaqirin, ish-luftëtar i UÇK-së.

Në këtë varrim kanë qenë të pranishëm edhe shumë ish-ushtarë dhe ish-komandantë të Ushtrisë Çlirimtare të Kosovës.

Ai u varros në varrezat e dëshmorëve në fshatin Baks të Skënderajt.

I dyshuari kryesor për këtë vrasje u bë me dije se është ish-deputeti Gani Geci.

Gani Geci mund të kthehet pasi të qetësohet situata

Familjarët e Gani Gecit kanë thënë në polici se Ganiu e ka lënë Kosovën.

Ata kanë shpjeguar se Ganiu nuk i trembet kthimit në Kosovë dhe përgjigjes përpara drejtësisë, por se pret të qetësohet situata dhe të kthehet.

Vëllezërit Geci kanë sqaruar po ashtu se Ganiu nuk ka besim as te siguria e burgjeve në Kosovë, pasi që mund ti bëhet ndonjë atentat.

Mesazhi dërguar Bajram Rexhepit

Ministri i Brendshëm në detyrë, Bajram Rexhepi ka thënë për "Zëri" se ka pranuar një mesazh nga ana e Gani Gecit.

Në këtë mesazh Ganiu i ka thënë atij se djali i tij, Rilindi nuk është i sigurt, pasi ia kanë marrë një grup personash të arratisur, pasi ishin dënuar nga gjykata.

Rrëfimi i Gani Gecit

Vetë Gani geci ka pranuar veprimin dhe ka thënë se e ka bërë vrasjen, pasi ndihej i pasigurt.

Ai tha se nëse nuk do të vepronte, Ruzhdi Shaqiri mund ta vriste atë. /albeu.com/
Shtuar më 08/08/2014, ora 10:57
Shkruani komentin tuaj!
Të fundit nga kjo kategori