COVID-19/ Kosova me bilanc të frikshëm: 22 persona në gjendje të rëndë
Shërbimi Spitalor dhe Klinik Universitar i Kosovës, ka njoftuar të shtunën se në spitalet publike në Kosovë janë të shtrirë 301 pacientë të konfirmuar me COVID-19 pozitiv.

Prej tyre 186 në Qendrën Klnike Universitare të Kosovës dhe 115 në spitalet e përgjithshme rajonale.

Nga numri i përgjithshëm i pacientëve, 184 janë në oksigjenoterapi, 132 në QKUK dhe 52 në spitalet e përgjithshme, shkruan REL:

Nga 301 pacientë, 22 janë në gjendje të rënduar me përkujdesje intensive.

Në Kosovë, që nga paraqitja e rasteve të para me koronavirus më 13 mars, numri i përgjithshëm i të infektuarve ka arritur në 4.512, dhe 97 pacient kanë vdekur. Ndërsa, numri i rasteve aktive është 2.259.
Shtuar më 11/07/2020, ora 16:51

Shkruani komentin tuaj!
Të fundit nga kjo kategori