Çollaku: Nuk do të ketë zgjedhje serbe në Kosovë
Zyrtarët e qeverisë së Kosovës kanë ritheksuar se në Kosovë nuk do të ketë qendra të votimit për zgjedhjet parlamentare të Serbisë, por vetëm pika të grumbullimit, të cilat do të grumbullojnë materialin zgjedhor dhe votat e qytetarëve të Kosovës, të cilët si shtetësi të dytë kanë atë të Serbisë.

“Jo qendra votimi, por pika grumbulluese, ashtu siç edhe e kam thënë. Modalitetet teknike i vendosim në Kosovë, dhe do të kërkojmë ndihmën e OSBE-së. Serbia as që ka për të provuar që të hapë qendra votimi dhe asgjë tjetër”, ka theksuar Bekim Çollaku, këshilltar i kryeministrit të Kosovës, Hashim Thaçi,

Milovan Drecun, kryetar i Këshillit për Kosovën në Kuvendin e Serbisë thekson për Radion Evropa e Lirë se zyrtarët e Serbisë insistojnë që zgjedhjet të mund të mbahen në mënyrën që janë mbajtur zgjedhjet paraprake, në vitin 2012">2012.

“Pres që zgjedhjet do të kryhen ashtu sikurse janë realizuar edhe herën e fundit, ku OSBE do ta luaj rolin vendimtar për organizim dhe monitorim. Natyrisht se do të ishte mjaft produktive që Prishtina të mos bëj çfarëdo problemesh në realizimin e zgjedhjeve. Për ne është me interes që zgjedhjet të organizohen në të 57 vendvotimet, ashtu siç edhe ka qenë herën e kaluar”, shprehet Drecun.

Por, Çollaku ka këmbëngulur se një gjë e tillë nuk do të ndodhë.

“Ambienti politik ka ndryshuar në mënyrë rrënjësore që nga arritja e marrëveshjes së Brukselit, kështu që, nuk mund të bëni krahasime të 2014 me 2012">2012”, ka thënë Çollaku.

Por, Dusan Janjic, nga Forumi për marrëdhënie etnike thekson se serbët në Kosovë do të mund të votojnë përmes rrugëve elektronike, postës, si dhe në ato vendvotime të cilat do t’i hapin pjesët e mbetura të administratës e cila ka funksionuar në kuadër të sistemit të Serbisë.

"Serbia, mund të mbështetet në një pjesë të administratës, e cila ende nuk i ka liruar vendin administratës së sapozgjedhur që bazohet në marrëveshjen e Brukselit. Megjithatë, përsëri kjo është një çështje e shkeljes juridike, por faktikisht ekzistojnë ato elemente të institucioneve paralele dhe është e qartë se ato do të jenë bazë për organizimin e zgjedhjeve dhe se ato do t’i shfrytëzojnë listat zgjedhore, të cilat i kanë shfrytëzuar në vitin 2012">2012”, ka theksuar Janjic.

Ekspertë juridik kanë vlerësuar se mbajtja e zgjedhjeve serbe në Kosovë, qoftë përmes organizimit të vendvotimeve, qoftë përmes pikave grumbulluese, e shkelin ligjshmërinë dhe Kushtetutën e Kosovës. /albeu.com/
Shtuar më 18/02/2014, ora 18:27

Shkruani komentin tuaj!
Të fundit nga kjo kategori