Çitaku: PDK do t'ia dalë të ndërtojë qeverinë
Vlora Çitaku
Anëtarja e Kryesisë së Partisë Demokratike të Kosovës, Vlora Çitaku ka thënë se PDK-ja do t’ia dalë të ndërtojë qeverinë e ardhshme, pavarësisht nga situata nëpër të cilën po kalon ky subjekt politik. Ajo nuk dëshiron t’i komentojë deklaratat e ambasadorit të SHBA-së, Christopher Dell se Qeveria që do të dalë pas këtyre zgjedhjeve duhet të përbëhet nga persona me “duar të pastra” dhe jo ministra që janë gjykuar, janë nën hetime, apo janë bastisur nga policia e EULEX-it.

“Unë jam e bindur që Partia Demokratike e Kosovës do të jetë në gjendje të krijojë një qeveri stabile, profesionale dhe kredibile”, ka thënë ajo.

Një ditë më parë, një anëtar tjetër i kryesisë së kësaj partie, Ramë Buja ka thënë se personat e hetuar duhet të tërhiqen vetë, ndërsa ka theksuar se për Partinë Demokratike të Kosovës do të jetë mision i vështirë ndërtimi i një qeverie siç kërkon bashkësia ndërkombëtare, por jo i pamundur.
Shtuar më 17/01/2011, ora 15:18
Shkruani komentin tuaj!
Të fundit nga kjo kategori